碰碰带路大理风光在苍洱，苍洱风光在双廊

编辑：碰碰

琴日从泸沽湖翻到丽江

坐车坐到腰都断

食左最后一餐腊排骨土鸡火锅

青旅嘅床铺系湿到出书水

将就左一晚

今日离开丽江啦

day12

丽江到大理大概2个钟

我地买左硬座34蚊/位

一开车冇几耐

就见到彩虹

哈哈哈哈好兆头呀

我地买嘅系下午嘅车票

到达大理天都已经黑晒

大理火车站冇直接到双廊嘅公共交通

所以只可以包车或者稳其他人拼车

我地由于要稳ATM摞钱所以耽误左时间

我地系火车站门口稳唔到车去双廊

所以只好系火车站附近住左一晚

火车站附近住唔算好贵而且选择好多

大概蚊上下甘

我记得当时我住系88蚊/晚/双标

唔记得叫咩名

配置同普通招待所差唔多

出黎食饭

稳唔到咩特色野食

就食左麻辣烫

然后就翻去休息

计划第二日一早去双廊

day13

今日一早去双廊

下关区（火车站果边叫下关区）去双廊

只有大理客运北站先有车去

大概15蚊/人

可以直接到达双廊村口啦

从下关出发

逆时针沿住洱海行

推荐坐车嘅右边

可以欣赏到洱海嘅风光中途会经过大理古城同喜洲

喜洲比较多各个时期嘅白族建筑

大家钟意嘅话可以去睇下

呢个客运车班次好密集

大概半个钟一班

从大理客运北站出发到双廊

全程大概1个钟

到达村口

车站系一个小山坡上面

可以一览双廊嘅风光

#

双廊镇位于大理市东北部，洱海东北岸，东靠宾川鸡足山，南接挖色镇，西临洱海，北连上关镇，东北方与鹤庆县黄坪镇接壤。双廊北有萝莳曲，南有莲花曲，前有金梭、玉几二岛环抱于双曲间，因此而得名--双廊。

#

我地住嘅系大理双廊小熊维尼客栈

地理位置ok

就系村口

老板仲出黎接我地

环境都几好

参考价格蚊/晚/双标

我地住果间冇露台

不过可以晾系屋顶嘅大公共平台

房间好开阔

非常舒服

因为房间仲未可以入住

我地放左行李

就出去逛下先

见到街边摊

听到炸薯仔嘅声音

就忍唔住过去食

前面嘅系炸各种鱼仔虾毛

后面嘅叫月亮虾饼

云南呢边嘅炸薯仔好特别

都系炸左再捞翻d配料

食落去外酥内嫩仲唔会好干

白色一条条嘅叫凉虾

然后仲有白凉粉

之后再加冰冻嘅糖水

虽然好解渴

但系饮完真系好饱

沿住岸边散步

其实洱海都客观上都好靓

但系我地都觉得一般咯

我地睇完泸沽湖之后对洱海冇咩feel了已经

洱海边好多村庄

而且呢度商业化比泸沽湖严重好多

所以污染就会比泸沽湖严重好多

更加上

洱海比泸沽湖大好多

就算系管理

难度都会大好多

呢度好有外国度假feel

个人觉得

双廊系中国建筑外国文化

大家都系度晒太阳发吘豆倾计

行系条街到都感觉到慵懒嘅气息

d狗狗同猫咪都摊系度晒太阳

然而呢度物价好贵

一个普通甜筒都要15蚊

大家都话双廊好靓

都话“苍洱风光在双廊”

我觉得就见仁见智

而且我地去果时候成条村都系度搏命起楼

小伙伴话简直就系一个大型工地

周围都系手脚架

所以其实我地两个对双廊都冇咩好感

虽然我地冇去喜洲

但系听左其他朋友嘅评论

觉得喜洲应该比双廊要好

大家可以考虑下去喜洲

喜洲商业化冇甘严重

更加安静更加古朴

不过呢

洱海嘅日落真系好靓好靓啊

染到成个天空都系紫色噶

超级浪漫

系双廊逛下逛下甘就一日了

其实真系冇咩实际野玩

网上话呢度适宜居住

我觉得如果你要发现双廊嘅美

一定要长住

体会果种放松慵懒慢生活嘅feel

呢个先系双廊嘅亮点

而且呢度配套设施已经好完善

非常适合度假

晚餐我地系随便食

街上面好多餐厅

如果你要食肉

人均大概40蚊左右

呢个系今日最满意嘅食物

（讲到底就系双廊冇咩好食）

奥利奥冰沙

某间奶茶店买嘅

11大元

但系超高水准

同星巴克d有得挥

系呢度我要提到一件事

我到宜家印象都好深刻

就系翻客栈嘅过程中

见到街边d摊收摊

距地居然用洗衣粉洗锅...

orz

原谅我少见多怪

甘样系正常噶？

你地系屋企都会用洗衣粉洗锅？

如果同我一样接受唔到呢个事实嘅童鞋

我建议你唔好食双廊嘅街边摊

唔系一个摊用洗衣粉

系个个摊都甘样洗噶

淋翻起都觉得一嘴泡泡（捂脸）

月亮宫太阳宫我地冇去

因为我地对杨丽萍冇咩兴趣

有兴趣嘅朋友可以去睇下

月亮宫系杨丽萍老师自己住嘅

太阳宫已经开放比游人住

不过好贵就系了

所以总结双廊

连我自己都觉得自己系个标题党

其实并冇网上讲得甘好

我当时都系上网查

对双廊都抱有比较高嘅期望

我觉得如果唔系度假

只系为左影相

一日时间非常足够了啦

day14

食个烤饵块做早餐

其实就系卷饼

只不过出边块饼换成饵块

入边包左薯仔丝同肠仔

味道一般

冇惊喜

食完我地就收拾行李去古城啦

双廊行程到此结束~

你有什么想去的地方？

你想知道哪里的攻略？

你想和我分享你的故事？

小编哪里还做得不够好？

欢迎在公众平台留言

或者私信我哦~

小编

么么哒(づ￣3￣)

我们在找

我们是全城至着数至抵玩嘅新媒体，我们可以带着你，你不用带着钱，一起免费吃吃喝喝玩玩乐乐！

偶尔文艺小清新，间歇性逗比蛇精病，重要的是有一颗爱拼搏的心。不怕你刚毕业没经验，我们也渴望“小鲜肉”的加入！

如果以上你都中枪了，请及时联系我们“就诊”！

招：视频制作、小编、客户经理、市场实习生

简历邮箱：

转载请注明：http://www.dalishizx.com/dlsxw/1181.html